[i56.
DE LA VILLE DE PARIS.
93
ont conclud, que attendu que le Roy n'a poinct d'autre Lieutenant en la ville et faulxbourgs de Paris que le Prevost des Marchans, que monsieur le Prevost de Paris ne se doibt entremettre de con­voquer et assembler les habitans de ladicte Ville et faulxbourgs pour le faict des Estatz, mais bien ceulx du plat pays de la Prevosté et Viconte de Paris, et est telle l'intention du Roy, et que pour assister ausd. Estatz, le mecredy vingthuictièsme jour de ce present moys de May, suyvant les lettres du Roy du unzeiesme dud. moys leues en la pre­sente compaignye-, mandemans doibvent estre faictz
pour envoyer aux seize Quartiniers pour appeller quatre des plus notables et anciens bourgeoys et marchans, non suspectz d'heresye, amateurs de l'hon­neur de Dieu, du Roy et du publicq, et que lesd. Quartiniers les admenent led. jour de mecredy, vingt huictiesme de ce moys, à six heures du matin, en l'Hostel de lad. Ville pour acompaigner Mess™ à aller à la salle épiscopale de l'Assemblée desd. Estatz.
Lesd, mandemans desd. Quartiniers ont esté en­voyez le lundy, dix neufiesme jour de May mil v° lxi.
CXLV. — Deffenses de ne transporter rledz hors Paris. — Des Dormans.
21 mai i56i. (Fol. g4 r°.)
Du mecredy, xxic May mil v° lxi.
Au jour d'huy, a esté ordonné qu'il sera publié à son de trompe par les portz de Paris que def­fences sont faictes à tous marchans, tant de Paris que forains, voicturiers par eaue et par terre, de quelque lieu qu'ilz soyent, de ne transporter aul­cuns bleds et grains hors lad. Ville par eaue sans nostre congé et licence, sur peine de confisquation dud. bled et des basteaux où seront chargez lesd, bledz et grains, et aux charetiers de ne charger
bledz au port de Greve pour le mener à l'escolle Sainct Germain à la peine que dessus et de pugni-tion corporelle <]'.
Ce jourd'huy, a esté ordonné à maistre Guillaume Guillain de se transporter au logis de monsr Des Dormans pour prandre l'alignement de la place et lieu dont nous a led. Des Dormans faict requeste de luy bailler ai rente, et qu'il aict de tout à nous en faire rapport, suyvant l'alignement qu'il a prins en noz presences (2).
CXLVI. — [Assemblée des Estatz.]
28 mai i56i. (Fol. g4 r°.)
Au jour d'huy, vingt huictiesme jour de May md cinq cens soixante et ung, Messieurs les Prevost des Marchans, Eschevins, aulcuns des Conseillers, les Quartiniers et bourgeoys mandez par lesd. Prevost des Marchans et Eschevins de la ville de Paris sont allez à Nostre Dame à l'assemblée des trois Estatz, où estoyent messieurs l'Evesque de Paris et Chapitre de Paris, messieurs de la Court de Parlement, avec les mandez tant pour l'Esglise, noblesse que pour la Marchandise de la ville, Prevosté et Viconte de
Paris; en laquelle Assemblée led. sieur Prevost des Marchans, voyant que mons1' le Lieutenant civil faisoit convoquer et appeller les gardes des Mar­chandises et les Mestiers de Paris, s'est opposé à lad. convoquation faicte par led. Lieutenant civil de la Prevosté de Paris, protestant de nullité, sans pre­judice de ce que la charge luy auroit esté baillée de par le Roy de convoquer pour le faict du Tiers Estat les habitans de la ville, faulxbourgs et blancs murs de Paris, ainsi comme il appert par lettres du Roy
O Par suite'de la mauvaise récolte de l'année i56o les blés étaient rares et le pain fort cher; on constate méme par un arrêt du 24 septembre i56o qu'il y avait une véritable disette à Paris. (Cf. Delamare, Traité dc la police, t. II, p. 1006.)
(2' Ce terrain, d'une contenance de 12 toises en longueur et de 7 toises en largeur, se trouvait près du boulevard de la porte Saint-Germain, sur le chemin de cette porte à la porte Saint-Michel, il avait été cédé par Julien de Ronacoursy à Charles des Dormans, conseiller au Parlement,qui possédait dans le voisinage une maison et un jardin; sur ce terrain avaient été élevées quelques constructions restées inachevées, à la hauteur d'une toise au-dessus du rez-de-chaussée. Sur la requête du sieur des Dormans, la Pré­vôté des Marchands lui fit bail de cet emplacement, moyennant une rente annuelle de 6 livres payable au domaine de la Ville, et à charge de n'édifier aucun bâtiment, sinon en appentis. (Archives nationales, Baux da domaine de la ville de Paris, Q1 1099 ""°, fol. 219 r°-)                                                                                                                                       '